Дзятлава. Урокі бяспекі ад выратавальнікаў

Навучанне дзяцей – капітал у здаровую і бяспечную будучыню. Менавіта таму прадстаўнікі раённага аддзела па надзвычайных сітуацыях праводзяць прафілактычную работу сярод дзяцей і моладзі раёна.

Для навучэнцаў Круцілавіцкай сярэдняй школы выдалася цудоўная магчымасць у інтэрактыўнай форме паўтарыць правілы паводзін у побыце і ў выпадку ўзнікнення надзвычайнай сітуацыі. 

Інспектар сектара прапаганды і ўзаемадзеяння з грамадскасцю Алена Дзісько расказала дзецям, якія небяспечныя сітуацыі могуць падсцерагаць іх дома і на вуліцы, і растлумачыла, як іх можна пазбегнуць. 

– Захаванне правіл бяспекі можа выратаваць жыццё не толькі вам, але і акружаючым, – адзначыла Алена Сцяпанаўна. 

У фармце віктарыны школьнікі успомнілі, як правільна выклікаць службы экстраннага рэагавання і даведаліся, што рабіць, калі загарэлася зарадка ад тэлефона ці іншае бытавое абсталяванне. Хлапчукі і дзяўчынкі атрымалі карысныя парады аб тым, як прадухіліць узнікненне пажараў у побыце і як дзейнічаць у экстранай сітуацыі. 

На заканчэнне сустрэчы ўсе ўдзельнікі мерапрыемства паглядзелі мультфільм «Спецатрад 112» і атрымалі наглядна-выяўленчую прадукцыю супрацьпажарнай накіраванасці.